“المهدى”: رجل الأعمال حسين سالم “ملاك” بدون أجنحة

د.عالية المهدي، أستاذ الاقتصاد والعميد السابق لكلية الاقتصاد والعلوم السياسية عبر صفحتها على فيس بوك :

حسين سالم يتبرع عن 75% من امواله حبا في مصر …. و هو لا يسوي أوضاعه مع الدولة !!!!

و الله عيب اللي الدكتور كبيش بيقوله ده مع لميس الحديدي…. هو فاكر الناس سذج؟؟؟

كأن مفيش قضايا كسب و قضايا اخري ؟؟؟

كأن الغاز ما كنش بيتباع لشركة الشرق بابخس الأسعار اي 1.5 دولار للمليون وحدة حرارية لما كان سعره في الاسواق المجاورة ب 8 و 9 دولار!!!!!!

فعلا اللي اختشوا ماتوا…..

ثم قالت فى تدوينة لاحقة :

انا اسفة … حسين سالم مش إنسان عادي… ده ملاك من غير اجنحة…

و الاستجواب اللي أتعمل في مجلس الشعب من أنور عصمت السادات حول أسعار بيع الغاز لشركة الشرق ( حسن سالم و شركاه) في 2008 ده محصلش…

و اتصال الرئيس مبارك بنتانيهو في 2008 لتعديل سعر بيع الغاز من 1.5 دولار الي 3 دولار للمليون وحدة حرارية بريطانية ده كان وهم…..

و حكم محكمة القضاء الاداري ( 2009) بان أسعار بيع الغاز

لشركة الشرق كانت منخفضة جدا كان هزار منهم

بس علي فكرة الغلط مش غلط سالم خالص لانه راجل أمير و لكن غلط كل موظف عمومي أهمل في الحفاظ علي المال العام…..

CNA– متابعات